Bizkaiko Txakolina. Consejo Regulador. Denominación de Origen

ARAUDIA

"Chacolí de Bizkaia - Bizkaiko Txakolina" Jatorrizko Deitura 1993ko maiatzaren 7ko Eusko Jaurlaritzaren Aginduaren bidez onartu zen behin- behinean (EHAA: 88. zk., 1993ko maiatzaren 13koa, osteguna).

Hurrengo urtean, behin betiko onarpena lortu zuen 1994ko martxoaren 1eko Eusko Jaurlaritzako Nekazaritza eta Arrantza sailburuaren Aginduaren bidez (EHAA: 112. zk., 1994ko ekainaren 14koa, asteartea). Ondoren, urte bereko azaroaren 2ko Ministerio Aginduaren bitartez berretsi zen (1994ko azaroaren 11ko BOE).

Gero, honako aldaketa hauek egin ziren:

  • 1998ko otsailaren 24ko Ministerio Aginduaren bidez (1998ko martxoaren 10eko BOE) berretsitako 1996ko abenduaren 5eko Agindua (EHAA: 240. zk., 1996ko abenduaren 13a, ostirala). Aldatutakoa: babestutako udalerrien kopurua handitzea eta Folle Blanche barietatea baimentzea.
  • 2006ko maiatzaren 3ko Agindua (EHAA: 89. zk., 2006ko maiatzaren 12a, ostirala). Aldatutakoa: Bizkaiko udalerri guztiak kontuan hartzea eta lur-zatiak lekuratzeko gehienezko altitude-kuota 400 metrora igotzea.

2006ko irailaren 8an, EHAAn argitaratu zen gaur egun indarrean dagoen araudia (2006ko abuztuaren 21eko Agindua). Horrela, Jatorrizko Deitura Ardoari buruzko 2003ko Legera eta Mahastizaintzari zein Ardogintzari buruzko Euskal Legera egokitu zen.

 

Aurreko araudia kontuan hartuta, honako aldaketa hauek egin ziren:

 

1. Barietate berriak baimendu ziren. Dena dela, Bizkaiko Txakolinaren ezaugarri organoleptikoei eusteko, euren erabilerarako muga ezarri zen. Horrela, babespeko txakolinak ekoiztean, upategiek ezin izango dute baretate horiek mahastian duten azaleraren ehunekoa gainditu.

 

2. Mahatsa ardo bihurtzeko errendimendua 72tik 70 litrora jaitsi zen 100 kilo mahatseko.

3. Txakolin-mota berria sartu eta tipifikatu egin zen, kupelean irakindako ardo zuria, alegia.

 

4. Kontseilu Arautzailea zuzenbide publikoko korporazioa zela onartu zen.

5. Ardo berezi berri bi onartu ziren. Txakolinak izan ez arren, Kontseilu Arautzaileak kontrolatu eta ziurtatu egingo ditu honako izenpean: "Mahats Bilketa Berantiarra" eta "Aparduna".

 

Azkenik, UNE 45011 arauaren arabera egiaztatutako erakunde independenteak egingo du kontrol-sistema.

2010eko URTARRILEKO ARAUDI BATEGINA jaitsi

2012ko UZTAILEKO ARAUDIA (Pleguaren moldaketa) jaitsi

lagunari bidali

Barrio Mendibile 42, 48940 LEIOA (BIZKAIA) Tfno.: 94 607 60 71 Fax: 94 607 60 72 info@bizkaikotxakolina.org